Kirsten Music, bagong pag-asa sa musikang Pinoy
ISANG MALAKING SUGAL PARA SA MGA TAONG NAMAMAHALA SA LIKOD NG KIRSTEN MUSIC AND ENTERTAINMENT ANG PAGSUONG SA MUNDO NG MUSIC PRODUCTION. SA PANAHONG PROBLEMA NG PINOY ANG PERA AT PANGGASTOS PARA SA SUSUNOD NA KAINAN, ISANG MALAKING HAMON ANG MAGTAYO NG ISANG NEGOSYONG GAYA NG KIRSTEN MUSIC.
“ANG MUSIKA AY ISANG DAAN KO PARA MAKAPAG-ISIP, MAKAPAGPAHINGA AT MAKAPAGMUNI-MUNI, KAYA NAISIPAN KUNG MAGTAYO NG NEGOSYO WHICH CONCERNS MUSIC,” TUGON NI MILA GLODAVA, ANG FOUNDER AT CHAIRMAN OF THE BOARD NG KIRSTEN. ANIYA, GUSTO NIYANG MAGING INSPIRASYON NG BAWAT PINOY ANG MUSIKA NA HANDOG NG KIRSTEN.
“ANG PAGTAYO NAMIN NG KIRSTEN AY ISANG PARAAN DIN UPANG MAKATULONG SA MGA LESS FORTUNATE NATING MGA KABABAYAN DAHIL NAPAG-USAPAN NG LAHAT NG INVOLVE SA KIRSTEN ANG MAG-DONATE NG 10 PERCENT SA SALES NG ALBUM NG TALENTS NAMIN PARA SA MAHIHIRAP,” DAGDAG PA NI ATE MILA.
NAPAG-ALAMAN DIN NAMIN MULA KAY ATE BETH GUTIERREZ, PRESIDENTE AT CEO NG KIRSTEN MUSIC AND ENTERTAINMENT NA BUONG PAMILYA NG KANYANG NINANG MILA ANG NAGTULONG-TULONG MAISAKATUPARAN LAMANG ANG KANILANG HILIG.
SA UNANG SABAK NG KUMPANYA, APAT NA NAG-GWU-GUWAPUHANG KABATAAN NA MAGALING KUMANTA ANG BINIGYAN NILA NG PAGKAKATAONG MAKAPAG-RECORD NG ALBUM, ANG INTENSITY.
INILUNSAD ANG SELF-TITLED ALBUM NG GRUPO NOONG KALAGITNAAN NG ABRIL VIA FM RADIO TOURS AND AIRPLAYS. NAGING MATAGUMPAY ANG NASABING HAKBANGIN KAYA NAMAN SA HUNYO, IIKUTIN NA NG INTENSITY SA PANGUNGUNA NG KANILANG MOTHER STUDIO ANG PILIPINAS SA PAMAMAGITAN NG MALL TOURS AND PROVINCIAL SHOWS.
“MASAYA ANG LAHAT SA NAGING RESULTA NG AMING MGA PAGHIHIRAP,” AYON PA KAY ADJES CARREON, PROMOTION AND PUBLICITY OFFICER NG GRUPO. “KAYA GANADO KAMING LAHAT NA PAG-IBAYUHIN PA ANG PAGSASANAY PARA LALO PANG MAKILALA ANG INTENSITY,” DAGDAG NAMAN NI SAM SALVA, PUBLICITY OFFICER DIN NG GRUPO.
“GUSTO RIN NAMING PANATILIHING BUHAY ANG MUSIKANG PINOY SA PUSO AT ISIPAN NG ATING MGA KABABAYAN HINDI LANG SA PILIPINAS KUNDI MAGING SA IBANG BANSA,” MADAMDAMING PALIWANAG NAMAN NI MARISSA MONTE, ANG TREASURER AT CFO NG NASABING RECORDING COMPANY.
KAYA SUPORTAHAN ANG MUSIKA NG KIRSTEN MUSIC AND ENTERTAINMENT. MAY MAGANDANG AWITIN KA NA, NAKAKATULONG KA PA SA MAHIHIRAP NATING MGA KABABAYAN.
